Velg en side

Hausten er komen

av | okt 6, 2016 | Blogg | 15 kommentarer

Hausten er komen.

Det er ganske fasinerande å vere ute då. Det bles heftig, og det er både flott og storslagent å sjå på. Eg prøver meg som naturfotograf, og finn ut at det ikkje er så lett å fange bølgjer som slår innover land. Noko uvant er det å plutseleg måtte ta på seg sokker, ullklede og jakke, men det må til når vinden bles heftig rundt hjørna.

Her frå Ferkingstad og på Sandane


 

Eg har vore heime på Sevland i august og september, og kan ikkje klage på noko. September har syna seg frå si beste side. Det har vore sommar heilt fram til no.

 

 

Slike solnedgangar har vi hatt mange av



 

Vêret har vore strålande, og vi har vore mykje ute og gjort mange hyggelege aktiviteter. Som de sikkert har fått med dykk er vi blitt hekta på golf. Det er ein så morosam ting å gjere. Ein kan faktisk lett bli hekta, vi jobber mot å slå dei gode slaga. Knutsen plar seie at vi får gå oss ein tur med golfkøllene.

Er vi gode?  

Neida, ikkje så gode ennå, men det hender vi gjer det bra. Så heilt ut av det blå er vi skikkeleg dårlege att. I følgje Knutsen må trøysta vére at dette visst nok er ein ganske vanskeleg sport. Spele gjer vi uansett. Vi har faktisk tatt føre oss dei golfbanane som finnest i området. Her ei veke klarte vi å spele på Torvastad måndag, Nordvegen golfbane, i Skudeneshavn onsdag for å toppe veka med ein runde på Kolnes laurdag, Haugesund golfbane. Morosamt var det, sidan eg vann to av dagane;)

 

Her er ein ny golfven vi møtte på Torvestad

 

Flott utsikt

 

Her er Knutsen på Kolnes

 

Ellers har eg mange andre prosjekt. Eg har som mål at alle i familien skal få noko eg har produsert sjølv til jul. No fekk eg strikka eit par julegåver.

 

Ein genser til dottera vart ferdig. 



 

Samt eg strikka eit par skjerf til Kirkens bymisjon:)


 

Eg har faktisk óg vore lærarvikar ein dag. Kosleg og moro å treffe gamle kollegaer, og kjekt å vere saman med elevar. Fekk og tid til å rusle rundt i Skudeneshavn ein tur. Sidan eg nevner Skudenes så må eg nevne at Skudenes blandakor hadde ein kjekk konsert på kulturhuset som det var moro å vére med på. Eg er stolt av koret og glad for å få syngje her:)

 

 

Karmøy sin kommuneblom

No er hausten komen, eller iallfall på veg, og vi kjenner oss som trekkfuglane. Vi set nasen mot sør. Vi vil ha meir sol, varme og kjekkke aktivitetar ute. Så no er det Spania og Casa Knutsen som gjeld. Her er det enno sommar, og temperaturen over tjue grader. Det er deilig!  Her skal det foregå mykje moro dei neste vekene. Feiring av femtiåringer, vitjing av gode vener samt ein liten køyretur til Malaga kor vi skal treffe Slogmåkane. Det blir bra greier, og eg gler meg.

 

Muy bien:)

15 Kommentarer

Legg til kommentar

Din e-postadresse vil ikke bli publisert. Obligatoriske felt er merket med *

Share This