På tur til Bergen åleine?

 

 

Det er så gale at, men slik er det. No sit eg på ein bar i Bergen, åleine på ein torsdagskveld. Då passe det fint å skrive litt. Eg sit vel og ventar på fredagen. Tullete greier tenkjer du kanskje, men tru det eller ei, ein viss logikk er det. La meg ta det frå starten. Knutsen er på jobb i Bergen. Kundevitjing med middag om kvelden. Det kan naturleg nok ikkje eg vere med på. Knutsen hadde likevel ein lysande idé. Han meiner eg skal ta turen til Bergen. Eg kan kose meg torsdagen åleine, for eg ei jo ei dame som klarer meg godt på eige hand i følgje Knutsen. Så kan eg møte han ut på natta, og vi er klar til å feire bryllaupsdagen fredag 16.09. Faktisk feire bryllaupsdagen heile fredagen!

Noko har endra seg i løpet av dei åra vi har vore gifte. Dei fyrste tjue åra feira vi to gonger. Tok lysløypa i Stavanger etter ti år, og det var så morosamt at vi gjentok det etter tjue år 😉  No har vi kome fram til at det er viktig å feire alt, det gjeld å kose seg! Så no feirer vi kvart år. Vi har blant anna vore i Oslo, Moraira, Valencia og no Bergen. Trur nok det blir bra. Eg sit no her med eit glas vin og ventar på at Knutsen skal bli disponibel 😉

Misforstå meg rett, eg har det fint!

Vêret i Bergen er strålande, tenk å få sitje ute i kortarma skjorte klokka ti om kvelden, i midten av september?

Fantastisk!

 

Dagen har vore super. Lang fin føremiddag heime før eg køyrde til Bergen. Fin båttur, det er ikkje ofte eg sit ute og nyt livet på ferja. Vel framme har eg leika turist. Kom på at det var lenge sidan eg hadde vore på Fløyen, så eg tok turen opp dit . Bergen er ein så internasjonal by at her snakker ein helst engelsk. Eg snakka norsk då eg skulle kjøpe billett, mannen i billettluka svara på engelsk. Eg  bestilte mat på norsk, kelneren svara på eingelsk. Snålt det, det er godt at vi er flinke i Noreg, å snakke og forstå engelsk.
 

 

Varmt på toppen av Fløyen, men utruleg flott utsikt. Eg måtte teste ut panoramaknappen på kamera, samt prøve meg på nokre andre innstillingar. Det kan vere strevsamt med nytt kamera,og foreløpig er eg ikkje overtydd om at dette kameraet er betre enn det eg hadde. Sveitten rann av meg. Det treng ikkje vere av varmen, eg trur uheldigvis at eg er på veg inn i overgangsalderen. Han nyttar det ikkje å stritte imot . Trøysta er at det gjeld berre ein tjue år til? Det har eg iallfall høyrd rykter om.

«Jeg tok min nystemte Cithar i hende
sorgen forgikk meg på ……. topp.»

 

 

 

Etterpå måtte eg ha mat. Kva er mest naturleg å ete i Bergen? Sjølvsagt noko frå havet!

Då vart det skalldyrsalat på bryggen i Bergen. Var heldig óg,  og traff kjentfolk. Hyggelige damer som driv Kremmerhuset i distrikta;) 

​

 

Bryggen

 

Stappmett av nydeleg krabbe, reker og blåskjell var eg klar for nye eventyr.

 

Neste post på timeplanen var show med Dagfinn Lyngbø. Eg koste meg, humra og lo fleire gonger. Han er flink og har lun humor. Eg lar meg stresse litt av kroppen hans. Han driv og riste han litt mykje, klarer ikkje å stå i ro?  Fyren har små ungar,så kjempegammel er han vel ikkje endå? 

Etter showet fann eg meg ein bar. Her sit eg no og nyt kvelden, vêret, vin, italienske skinker og litt ost. Tenkte det var for gale å ikkje ete meir idag, med det resultatet at eg er stappmett.

Ja, ja kvelden er enno ung! Eg tenkjer eg er heldig! Her sit eg og nyt livet. Eg kan lytte og sjå på menneska på naboborda, og blir eg einsam får eg berre blande meg inn. Snakke kan eg har eg høyrd nokon seie.
Og om Knutsen ikkje har tid til kona i kveld, så kan det godt hende eg endar på eit dansegolv 🙂

Forsetjinga:

Gratulera med bryllaupsdagen Knutsen! Sidan han er ein «drummerboy» passa vel dette bilete.

Vi starter føremiddagen med det vi likar godt å gjere, ein rusletur. Det er véret til det i dag. Bergen har mange fine områder å by på. 

Rundt Nordnesparken og ned til «Verftet». Der passa det fint å ta den fyrste pausen:)

Dei skal det bli mange av i løpet av dagen, pauser.

Bergen skal vere kjend for å ha mykje Street-art. Eg såg på eit kart før eg for heimanfrå, og dei har så mykje at om ein skal finne alle bileta må ein nesten bruke fleire heile dager. Litt kunst etter vegen er det difor ekstra kjekt å finne. Eg må liksom ta bilete av street-art uansett kor eg er i verda. Det er mange flotte og spanande bilete.

 

Om eg skulle finne på å ville bu i Bergen, så trur eg at eg ville budd i ei slik lita gate.

 

Sjå han her som dukka opp langs vegen.

 

Meir kunst

 

No er eg snart klar for ein ny pause. Klokka er «five o`clock somewhere»

Må berre rusle rundt han her fyrst,

 

og Lille Lungårdsvann.

Knutsen har kunnskap om alt mogleg, blant anna kumlokk. Dette er laga av  Furnes Jernstøperi. Det er ein bedrift som har gjort stor suksess med å lage kumlokk med ulike mønstrer som byvåpen,logoar og andre bilete. Bedriften held til i nærleiken av Steinsøy.

 

Kvelden blir avslutta med «bryllaupsmiddag» som seg hør og bør. Eg vil slå eit slag for restauranten Colonialen. Flott servering og spanande mat. Vi koste oss gjennom ein nirettars smaksmeny.

 

Ein «raud – bete»

 

Breiflabb

Eg gler meg allereie til neste eventyr. Å har du ikkje vore i Bergen på lenge, ta deg ei lita reise. Her er nok å finne på:)