Velg en side

Caversham wildlife park

av | feb 29, 2016 | Blogg | 17 kommentarer

På jakt etter dyr.

Medan «tospannet» frå RTS er på jobb saman med kollegaer frå Perth, så har desse mennene fruer som gjerne vil ta vare på, og gje opplevingar til ein norsk turist.For folka her i Australia er verkeleg på tilbudssida. Dei har høyrd rykter om at eg gjerne vil møte ein kenguru eller to,og lager fort ein plan.Så her gjeld det berre til å møte opp, og snakke engelsk til ein kjenner at tunga krøller seg.

Vi køyrer oppover til ‘Caversham Wildlife park’. Her er det moglegheit for å treffe mange av Australia sine kjende dyr, slik som koala, kenguru og vombat. Det er ein bra plass, og ein får på nært hold sjå både flotte fugler og mange ulike dyr. Høgdepunktet må vere koalaene og kenguruane.


Koalaene søv ca tjue timar i døgnet, og når dei vakner et dei litt. Ikkje særleg sosiale, men skjønne. Dei er som mjuke teddybjørner. Dei er vare for folk, og i parken er det moglegheit for å kjenne på ein av dei som er vakne. Dei jobbar på skift. For all del ikkje ta på eukalyptusplantene, då vil dei ikkje ete dei. 


Vi rusler videre til området der kenguruane er. Det er mange av dei, og det er eit område kor vi får lov til å mate dei og snakke med dei. Det er varmt denne dagen,rundt trettiåtte grader, og dei ligg der som nokre» slakt». Dei er på langt nær så aktive som Skippy. Dei liker ikkje så godt varmen blir det meg fortalt, eller det kan vere at dei nok er stappmette etter all maten dei får. 

Eg klarer å få kontakt med nokre. Dei fleste her i parken er kvite, det blir sagt at desse «albino» kenguruene ikkje kan klare seg ute i villmarka. Snåle dyr;)


Her i parken er mange andre dyr og ulike show. Vi får oppleve alt frå saueklipping  til å kose med øgler og slanger. Mange flotte fuglar,i mange fine farger og størrelser ser eg, og denne ugla tykte eg var henta rett frå tre nøtter til Askepott. Eg venta på eit uhu, og vips hadde eg vore kledd for kvelden, men merkeleg nok skjedde ikkje det. 

Her møter eg Vombaten, ein bedagelig type.


Etter vitjinga i parken er vi ganske så svoltne. Vi tar lunsj på ein sjokoladefabrikk. Sjokoladen er god, men ikkje så lett å drasse på i varmen. Ps!lunsjen består av meir enn sjokolade.  Eg handler meg sjokolade bodylotion. Eg blir nok uimotståeleg for Knutsen då;)


Her smaker vi og ulike sjokoladelikører. Søt, søtare og søtast.

Guiden og sjåføren min, Marny, freser videre til neste oppleving, vinsmaking.

I dette området ligg det vingårder på rekkje og rad. Det er berre til å køyre inn, hoppe ut av bilen og teste vinen, for så og køyre til neste vingård. Om ein ikkje likar vin,kan ein kanskje heller  teste kaffi?

 Då er det blitt kveld, og vi møter arbeidskara for å få oss ein betre middag.

Trøytt i beina kjenner eg at eg er, eg har tross alt traska over ei mil, men ein morosam dag var det.

17 Kommentarer

Legg til kommentar

Din e-postadresse vil ikke bli publisert. Obligatoriske felt er merket med *

Share This