Etter å ha vore «speedturistar» i Madrid nokre dagar kjende vi oss litt som Forest Gump når han sprang på kryss og tvers. Sidan vi var her, langt inne i landet, kunne vi like godt vende bilen mot sør og sjekke ut Toledo. Knutsen hadde lest at denne byen var verdt ei vitjing. Eg kunne ikkje så mykje om byen, så eg nytta køyreturen til å lese meg litt opp.

Hadde ikkje lange stunda på å gjere det, sidan Toledo berre ligg sju mil unna Madrid. Noko fann eg ut, og det er bra å kjenne litt til staden ein skal vitje.

Byen har ca 84000 innbyggjarar, og er eit viktig politisk og kulturelt sentrum.
Byen ligg på ei klippe,og har elva Tajo rundt seg på tre sider.

Her i byen har det levd menneske sidan bronsealderen,og han har ein rik kulturarv.

Her finn ein mange historiske og arkitektoniske bygningar.

Alcazar, ei stor borg, ligg på det høgaste punktet i gamlebyen.

Byen ligg under UNESCO si verdsarvliste,han vart det i 1987.
Her i byen er det spor etter både muslimar, kristne og jødar.

Dette var Spania sin hovedstad i perioden 1085 – 1562.

Turisme er den viktigaste næringsvegen.

Stålproduksjon var og viktig tidlegare,dei laga blant anna sverd og knivar.

I Toledo-området lager dei marsipan. Den er opphavsbeskytta, og kan berre lagast her.

Rådhuset

Mest imponerande er nok katedralen som er midt i byen. Utruleg flott.
Katedralen er frå 1300 talet, og ligg ved Rådhusplassen.

Om ein er særs glad i museum er dette staden å vere,her ligg heile 29 stykker på rekkje og rad. Kjenner de til kunstnaren El Greco? Han har eige museum her i byen, fleire andre kunstnarar har og budd her.
Her kan ein regelrett boltre seg i historie og kultur. Ein kan traske rundt i små og trange gater. Vi finn små og koselege butikkar og  mange barer og restauranter. Det er berre  til å kjenne på stemninga i denne gamle byen. Nokre gonger kan ein nesten ikkje forstå at dei har plass til gjester i dei små smale husa.

Fin pynt i gatene

Bra med folk.

Koselege butikkar

Her er i ein butikk der dei lager alt sjølv.

Gullbelagde fat

Treng du eit sverd?

Knutsen vurdera om han skal spandere på seg noko marsipan.

Med Knutsen blir det sjeldan kjedeleg, han har evna til å finne stilige stader med sjeldne og koselege hotell.

Fordi eg fortener det?

Til og med sola synte seg fram denne sundagen, så jaggu meg klarte vi å sitje ute i dag og, her i nærleiken av eit av  musea.

Eg trur at Knutsen funderer over livet, eller planlegg vegen vidare.

Då kan det godt hende at ferda endar slik som her.( Knutsen er på veg ut av bilete.) Eg hadde lang kjole denne dagen, eit særs dårleg val. Trur nok at eg hadde dobbelt så mange skritt som Knutsen:)

Fleire flotte bygg

Ynskjer du å sjekke ut ein historisk stad i Spania bør du reise hit, det var ein spanande by med mykje kultur, og kjenner du til historia om Don Quijote? Han herja visstnok i dette området.Nokon fortalde at det var i dette området han kjempa mot vindmøller, som han trudde var monstrer.Her står iallefall forfattaren, Cervantes.

Buen viaje:)

Mondag sette vi nasen mot Moraira, og kunne nøgd fylgje med på temperaturen. Frå sju grader oppe i fjella til tjue grader ved sjøen🌞